U Breście žančynu sudzili za bieła-čyrvonuju bializnu na bałkonie
Sioleta ŭ mai milicyja skłała pratakoł na žycharku Bieraścia za toje, što jana raźviesiła na svaim bałkonie bializnu biełaha i čyrvonaha koleru. «Parušalnica» śćviardžaje, što zrabiła heta nie naŭmysna. Supracoŭniki milicyi pravieryli mabilny telefon žančyny i nie vyjavili ničoha padazronaha. Sprava była pieradadziena ŭ sud.
Pasiadžeńnie prajšło 28 červienia ŭ Leninskim sudzie Bieraścia. Administracyjnuju spravu pa artykule 24.23 «parušeńnie paradku arhanizacyi abo praviadzieńnia masavych mierapryjemstvaŭ» razhladaŭ sudździa Alaksandr Siemiančuk. Jon pastanaviŭ administracyjny praces spynić, paviedamlajuć pravaabaroncy.