Zołatavalutnyja reziervy za červień źnizilisia na $354 miljony
Mižnarodnyja reziervovyja aktyvy Biełarusi na 1 lipienia skłali 7 miljardaŭ 409,3 miljona dalaraŭ ZŠA (u ekvivalencie).
Za červień jany źnizilisia na 353,8 młn dalaraŭ (na 4,6%) paśla rostu ŭ traŭni na 485,2 młn (na 6,7%).
Nacbank tłumačyć, što źnižeńnie abumoŭlena płanavym pahašeńniem uradam źniešnich i ŭnutranych abaviazacielstvaŭ u zamiežnaj valucie na 240 młn dalaraŭ ZŠA, a taksama pamianšeńniem koštu manietarnaha zołata.
Padtrymańniu ŭzroŭniu ZVR spryjała pastupleńnie zamiežnaj valuty ŭ biudžet, u tym liku ad źbirańnia ekspartnych pošlin i pryciahnieńnia Minfinam srodkaŭ u zamiežnaj valucie.
Na 1 studzienia 2022 hoda abjom ZVR pavinien skłaści nie mienš za 6,0 młrd. dalaraŭ ZŠA.