Redaktara navin sajta «Pieršy rehijon» buduć sudzić za ekstremizm — publikacyju fota aktyvista ŭ kašuli sa «svastykaj»
Redaktara navin sajta «Pieršy rehijon» Aleha Supruniuka zatrymali ŭviečary 6 lipienia. Na jaho skłali pratakoł pa artykule 19.11 — raspaŭsiud infarmacyi, jakaja ŭtrymlivaje zakliki da ekstremisckaj dziejnaści.
Pryčynaj stała publikacyja ŭ lutym naviny ab śpisie asob, datyčnych da terarystyčnaj dziejnaści, u jaki trapiŭ žychar Baranavičaŭ Uładzimr Hundar. U materyjale było vykarystana fota aktyvista ŭ kašuli z arnamientam, padobnym da svastyki.
Noč žurnalist pravieŭ u IČU Leninskaha RAUS Bresta.
7 lipienia pačaŭsia sud. Razhlad spravy adkłali da 15.30 — advakat zaprasiŭ čas dla aznajamleńnia z materyjałami.