Syn ministra Kubrakova pajšoŭ pa jahonaj ściežcy: pracuje ŭ Centralnym RUUS
Jak stała viadoma «Našaj Nivie», syn ministra ŭnutranych spraŭ Ivana Kubrakova ŭviesnu ŭznačaliŭ adździeł kryminalnaha vyšuku Centralnaha RUUS Minska.
Uładzimiru Kubrakovu 26 hod. Pačynaŭ słužbu ŭ adździele kryminalnaha vyšuku Centralnaha RUUS, z 2019-ha słužyŭ u HUBAZiKu, potym znoŭ viarnuŭsia ŭ Centralnaje RUUS. Cikava, što jahony baćka ŭ svoj čas pačynaŭ słužbu ŭ tym ža ŭpraŭleńni. Taksama ŭ ministra jość dačka Jelizavieta, paśla žnivieńskich pratestaŭ jon zhadvaŭ, što jana jašče chodzić u škołu, joj 12 hod.
Pajści pa šlachu baćki-milicyjaniera — davoli typovaja historyja dla dziaciej biełaruskich ministraŭ. Syny Ihara Šunieviča i Juryja Karajeva, papiarednikaŭ Kubrakova, taksama ŭ svoj čas abrali karjeru ŭ siłavych strukturach.