Zatrymanaja błohierka i mieniedžar kampanii Eleven Nasta Piluhina
Ranicaj u Minsku zatrymali błohierku Nastu Piluhinu, markietołaha i medyja-mieniedžarku ŭ kampanii Eleven, viadoŭcu padkastu dzigital.
Heta zdaryłasia prykładna ab 11-j hadzinie: Nasta vyjšła z domu da mašyny, jakaja stajała ŭ dvary, pa noŭtbuk i źnikła. Jaje telefon byŭ vyklučany, ale potym uklučyŭsia.
Z dapamohaj prahramy «łakatar» na ajpadzie Nasty stała bačna, što jana niedzie na zavułku Kazłova (na zavułku Kazłova, 6a znachodzicca Upraŭleńnie KDB pa Minsku). Zvanki z telefona skidajucca, paviedamlaje «Radyjo Svaboda».