Lidara AHP Kazłova asudzili da troch miesiacaŭ aryštu
Lidara Abjadnanaj hramadzianskaj partyi Mikałaja Kazłova asudzili da troch miesiacaŭ aryštu za razhałošvańnie źviestak śledstva pa spravie Kaardynacyjnaj rady.
Mikałaja Kazłova pryznali vinavatym pa č. 1 art. 407 Kryminalnaha kodeksa za razhałošvańnie danych pa kryminalnaj spravie suprać Kaardynacyjnaj rady, ale kankretnyja epizody abvinavačvańnia nieviadomyja, bo sud prachodziŭ u zakrytym režymie.
Raniej Kazłoŭ niekalki razoŭ admaŭlaŭsia davać padpisku ab nierazhałošvańni paśla dopytaŭ u SK pa kryminalnaj spravie suprać Kaardynacyjnaj rady. Za heta jaho ŭžo pryciahvali da administracyjnaj adkaznaści.
Sudździa Taćciana Šocik pryznačyła palityku maksimalna strohaje pakarańnie pa kryminalnym artykule.