Zatrymali brata byłoha apieratyŭnika HUBAZ Łupanosava, jaki vystupiŭ suprać dziejańniaŭ siłavikoŭ
17 žniŭnia siłaviki pryjšli da Michaiła Łupanosava, brata byłoha padpałkoŭnika HUBAZiKa Stanistała Łupanosava, jaki vyjechaŭ ź Biełarusi, asudziŭšy dziejańni byłych kaleh.
Viadoma, što Michaił byŭ dyrektaram budaŭničaj firmy. Zatrymali jaho supracoŭniki MUS, pa č.1 art. 427 KK (słužbovy padłoh). Inkryminavanyja jamu padziei adbyvalisia ŭ 2016 hodzie. Ciapier jon znachodzicca ŭ izalatary na Akreścina.
Eks-apieratyŭnika Stanisłava Łupanosava dziaržaŭnaja prapahanda abvinavačvała ŭ pieradačy demakratyčnym siłam vializnaha abjomu infarmacyi pra śpiecsłužby. Suprać jaho zaviedzienaja kryminalnaja sprava pa art. 352 KK (niesankcyjanavanaje kapiravańnie infarmacyi, što naniesła istotnuju škodu), jon abvieščany ŭ vyšuk.