Pa spravie «Pres-kłuba» za kratami zastajucca byłyja supracoŭniki BT: Ksienija Łuckina i Dzianis Sakałoŭski
Pa infarmacyi «Našaj Nivy», Ksienii Łuckinaj prapanoŭvali napisać prašeńnie ab pamiłavańni, ale jana admoviłasia. Astatnija fihuranty spravy «Pres-kłuba» vyzvalenyja mienavita ŭ vyniku pamiłavańnia.
Ksienija Łuckina 15 hod addała dziaržaŭnamu telebačańniu. Jana zvolniłasia paśla vybaraŭ i źbirałasia stvarać alternatyŭny kanał, kali jaje zatrymali. Žurnalistku abvinavacili va ŭchileńni ad padatkaŭ. Pakul Ksienija vośmy miesiac u SIZA, bieź jaje sumuje maleńki syn, baćki niepakojacca za zdaroŭje dački.
Taksama za kratami zastajecca były apieratar BT Dzianis Sakałoŭski, šosty fihurant spravy «Pres-kłuba». Dzianis syšoŭ z BT paśla vybaraŭ, byŭ niazhodny z palitykaj telekampanii.
«Ja na svaje vočy bačyŭ, kolki było ŭ skryni biuleteniaŭ, składzienych harmonikam (štab Cichanoŭskaj zaklikaŭ svaich vybarcaŭ tak rabić — NN). I kali potym abviaścili takija niepraŭdapadobnyja vyniki — heta vielmi aburyła. Źbićcio ŭdzielnikaŭ pratestu stali apošniaj kroplaj — a my (na BT — NN) pry hetym možam pakazvać tolki paciarpiełych supracoŭnikaŭ MUS. I ni słova pra traŭmavanych i zahinułych padčas mirnaj demanstracyi», — kazaŭ Dzianis u intervju.
Ciapier, kali pamiłavali čaćviarych, sudzić buduć tolki Łuckinu i Sakałoŭskaha.