CNN paviedamlaje pra padrychtoŭku Rasii da vyprabavańniaŭ rakiet «Burieviestnik»
U ZŠA hetyja rakiety nazyvajuć «latučym Čarnobylem».
Zhodna sa spadarožnikavymi zdymkami, apublikavanymi telekanałam CNN, na archipiełahu Novaja Ziamla rychtujucca vyprabavańni rakiet «Burieviestnik», jakija Pucin prezientavaŭ u 2018 hodzie. Hetyja rakiety majuć jadziernuju enierhietyčnuju ŭstanoŭku.
Fota CNN
Pa słovach ekśpiertaŭ ź Instytuta mižnarodnych daśledavańniaŭ Midłbery (štat Kalifornija), fotazdymki, zroblenyja spadarožnikam ad kampanii Capella Space, majuć pierakanaŭčyja dokazy tamu, što Rasija rychtujecca da vyprabavańniaŭ kryłataj rakiety ź jadziernaj ustanoŭkaj na archipiełahu Novaja Ziamla. Raniej na hetaj placoŭcy ŭžo prachodzili vyprabavańni rakiet «Burieviestnik».
Fota CNN
Pa słovach supracoŭnika instytuta Džefry Ljuisa, vykarystańnie jadziernaj enierhaŭstanoŭki zabiaśpiečvaje rakietam nieabmiežavanuju dalokaść palotu, a taksama dazvalaje bieśpieraškodna pieraadolvać amierykanskija radary. Adnak razam z hetym, vyprabavańni rakiet ujaŭlajuć saboj pahrozu dla navakolnaha asiarodździa i zdaroŭja čałavieka. Hetyja ryzyki stali pryčynaj, čamu niekatoryja zamiežnyja ekśpierty nazyvajuć hetu rasijskuju rakietu «latučym Čarnobylem».
Fota CNN
U vieraśni 2019 hoda telekanał CNBC paviedamiŭ, što Rasija ŭžo pravodziła vyprabavańni kryłatych rakiet. Pa viersii amierykanskaj raźviedki, piać vyprabavańniaŭ skončylisia avaryjami.