Pamior padletak, jaki atruciŭsia mietadonam. Miedyki 40 dzion zmahalisia za jaho žyćcio
U pačatku lipienia ŭ adnu ź minskich balnic trapili troje chłopcaŭ 16 i 17 hadoŭ z atručvańniem narkotykami. Apieratyŭniki ŭstanavili dylera — 18-hadovaha minčuka, znajomaha padletkaŭ.
Adzin z chłopcaŭ pastupiŭ u lakarniu ŭ stanie kliničnaj śmierci. Pierad hetym jon užyŭ mietadon.
«Na praciahu 40 dzion my zmahalisia za žyćcio pacyjenta. Na žal, dzicia pamierła. Chočacca źviarnucca z prośbaj da baćkoŭ: maksimalna nadavać uvahu dzieciam, sačyć za ich zdaroŭjem i ŭdzielničać u ich žyćci», — źviartajecca hałoŭny doktar 4-j dziciačaj balnicy Vital Łužynski.
Pamierłamu chłopcu było 17 hadoŭ.
MUS źviartaje ŭvahu, što kolkaść pieradazirovak ad narkotykaŭ vyrasła na 41%. U piać razoŭ bolš stała takich vypadkaŭ siarod niepaŭnaletnich. Kolkaść śmierciaŭ taksama pavialičyłasia na 67%.