Hałoŭny trenier kłuba, jaki prabiŭsia ŭ Lihu Jeŭropy, pryjšoŭ na paślamatčavuju pres-kanfierencyju biez adzieńnia FOTAFAKT
Hałoŭny trenier bielhijskaha «Antvierpena» Brajan Pryskie Piedersen vyjšaŭ da žurnalistaŭ biez adzieńnia paśla taho, jak jaho kamanda prabiłasia ŭ hrupavy etap Lihi Jeŭropy.
Na pres-kanfierencyi śpiecyjalist źjaviŭsia zahornuty vakoł pojasa ŭ ručnik.
Akazvajecca, što dacki śpiecyjalist paabiacaŭ hulcam raspranucca, kali jany zmohuć trapić u hrupavy etap turniru.
U apošnim raŭndzie płej-of Lihi Jeŭropy bielhijski kłub abyhraŭ kiprskuju «Amoniju» (4:4 pa sumie dvuch matčaŭ, 3:2 pa pienalci). Losavańnie hrupavoha turniru adbudziecca 27 žniŭnia.
Siońnia ž adbudziecca i losavańnie hrupavoha turniru treciaha turniru — Lihi kanfierencyj.
Nivodny biełaruski kłub nie zdoleŭ prabicca ŭ hrupavy turnir nivodnaha ź jeŭrakubkaŭ. «Šachcior», BATE, «Dynama-Brest» i «Tarpieda» Žodzina vylecieli ŭ kvalifikacyi Lihi kanfierencyj.
I heta pry tym, što ŭ hrupavy raŭnd turnira prabilisia kłuby z Estonii, Armienii i navat Hibrałtara: «Fłora», «Ałaškiert» i «Linkoln».