Premjer Polščy prapanavaŭ uvieści nadzvyčajnaje stanovišča na miažy ź Biełaruśsiu. Upieršyniu ŭ historyi svabodnaj krainy
Premjer-ministr Matevuš Maraviecki praz napłyŭ nielehałaŭ prapanuje ŭvieści nadzvyčajnaje stanovišča na miažy ź Biełaruśsiu. Pastanovu nakirujuć na ŭchvaleńnie prezidentu Andžeju Dudzie, paviedamlaje Rczeczpospolita.pl.
PAP
«Situacyja na miažy ź Biełaruśsiu da hetaha času zastajecca napružanaj z-za taho, što režym Łukašenki vyrašyŭ vieźci ludziej ź Iraka, paśla čaho adpravić ich na terytoryju Litvy, Łatvii i Polščy. Mienavita tamu siońnia ŭrad pastanaviŭ źviarnucca da prezidenta z prośbaj uvieści nadzvyčajnaje stanovišča na 30 dzion u pamiežnaj zonie», — zajaviŭ Maraviecki.
Jon adznačyŭ, što Litva i Łatvija ŭžo ŭviali nieabchodnyja miery, kab praduchilić napłyŭ mihrantaŭ.
Ministr unutranych spraŭ Maryjuš Kamiński ŭdakładniŭ, što nadzvyčajnaje stanovišča zakranie 115 haradoŭ Padlaskaha vajavodstva i 68 haradoŭ Lublinskaha vajavodstva. Takim čynam, na ich terytoryi buduć zabaronienyja demanstracyi.
«Heta pieršaje nadzvyčajnaje stanovišča ŭ historyi svabodnaj Polščy», — dadaŭ Kamiński.