Z Onliner sychodzić hałoŭny redaktar. Zvalniajucca i žurnalisty
Mikałaj Kazłovič, jaki apošnija hady byŭ hałoŭnym redaktaram Onliner, abviaściŭ, što pakidaje pracu. Častka žurnalistaŭ taksama pakidaje kamandu. Hramadska-palityčnych navinaŭ na partale budzie jašče mienš.
U raźvitalnym paviedamleńni Kazłovič paviedamiŭ, što sychodzić u afłajn na pierazahruzku. Ciapier hałoŭnym redaktaram budzie Mikałaj Hradziuška, jaki šmat hadoŭ pracuje ŭ Onliner, a da hetaha pracavaŭ u dziaržaŭnaj haziecie «Respublika». Kazłovič pryšoŭ u Onliner dziesiać hadoŭ tamu z «Savieckaj Biełarusii».
Onliner — apošniaje bujnoje niezaležnaje anłajn-miedyja ŭ Biełarusi, jakoje maje status ŚMI. Partał aśviatlaŭ masavyja akcyi pratestu, adnak apošnija miesiacy palityčnych navinaŭ amal nie zastałosia. U najbližejšy čas ich stanie jašče mienš.