«Ja prašu zastupicca za dabro, praŭdu i spraviadlivaść»: Ihar Łosik źviarnuŭsia da Papy Rymskaha
Palitviazień Ihar Łosik, jaki z červienia 2020 hoda znachodzicca za kratami, napisaŭ z homielskaj turmy list da Papy Franciška. Jon prosić pantyfika «zaklikać spynicca hetych strašnych ludziej, jakim užo ŭsio roŭna na losy inšych, na sotni raźbitych horam siemjaŭ», paviedamlaje «Radyjo Svaboda».
U liście Ihar piša, što sotni i tysiačy biełarusaŭ, sutyknuŭšysia ź biezzakońniem i niespraviadlivaściu, upadajuć u rospač i nie bačać vyjścia ź situacyi, jakaja skłałasia.
«Ja nie prašu zastupicca za mianie pierad niekim, ale ja prašu zastupicca za dabro, za praŭdu, za spraviadlivaść, za sotni i tysiačy biełarusaŭ, jakija stracili nadzieju ŭ takim ža stanoviščy, jak i ja, a mnohija navat horš.
Moža być, ja vielmi naiŭny, i hety list da Vas nie dojdzie, ale ja pišu jaho zusim ščyra i ad čystaha serca i vieru, što pišu jaho nie darma. I mnie vielmi chočacca vieryć, što Boh nie pakinuŭ nas, što hetaja biessensoŭnaja žorstkaść spynicca, što bolš nichto nie pamre i ŭsie viernucca da svaich siemjaŭ», — napisaŭ palitviazień.