Zabłakavali sajt «Miedyja-Paleśsie»
Hałoŭny redaktar Śviatłana Harda paviedamiła, što z 2-ha vieraśnia sajt nie adkryvajecca ŭ Biełarusi, a ad siońnia — i za miažoj.
Što stała pryčynaj błakiroŭki, redakcyi pakul nieviadoma, zapyt u Mininfarm nakiravany. U vydańnia pakul zastajecca status ŚMI.
«Miedyja-Paleśsie» pracuje z 2012 hoda, kožny dzień sajt naviedvaje 30-40 tysiač karystalnikaŭ.
U lipieni ŭ hałoŭnaha redaktara, supracoŭnikaŭ i ŭ ofisie prajšli pieratrusy. Siłaviki zabrali i dahetul nie viarnuli techniku.
Kamanda nie spyniaje pracu. Naviny možna čytać u sacyjalnych sietkach «Miedyja-Paleśsia».