Mierkiel vystupiła za pačatak pieramovaŭ z talibami
Kancler Hiermanii vystupaje za pačatak pieramovaŭ z radykalnym isłamisckim rucham «Taliban» u Afhanistanie. Adpaviednuju zajavu jana zrabiła ŭ niadzielu na pres-kanfierencyi ŭ Chahienie (Paŭnočny Rejn-Viestfalija), paviedamlaje Deutsche Welle.
«Što tyčycca «Talibana», to, viadoma, my pavinny havaryć ź imi, tamu što mienavita ź imi ciapier prychodzicca mieć spravu», — padkreśliła Mierkiel.
Pavodle słoŭ kanclera Hiermanii, taki dyjałoh nieabchodny, kab praciahnuć evakuacyju afhancaŭ, jakija majuć patrebu ŭ hetym.