10 hadoŭ tamu raźbiŭsia jarasłaŭski «Łakamatyŭ». U samalocie, što lacieŭ u Minsk, byli troje biełarusaŭ
10 hadoŭ tamu, 7 vieraśnia 2011 hoda, pad Jarasłaŭlem adrazu paśla ŭźlotu raźbiŭsia Jak-42D. CHK «Łakamatyŭ» lacieŭ u Minsk na startavy matč Kantynientalnaj chakiejnaj lihi ź minskim «Dynama».
Na borcie łajniera znachodziłasia 45 čałaviek: 37 pasažyraŭ i 8 členaŭ ekipaža. 43 čałavieki zahinuli na miescy; chakieist Alaksandr Halimaŭ pamior u balnicy i tolki bortinžynier Alaksandr Sizoŭ zmoh vyžyć u hetaj strašnaj katastrofie.
Siarod zahinułych byli troje biełarusaŭ: najlepšy chakieist Biełarusi Rusłan Salej, a taksama Siarhiej Astapčuk dy trenier Mikałaj Kryvanosaŭ.
Praź niekalki dzion u Minsku adbyłosia raźvitańnie z chakieistami.
Cikava, što siońnia minskaje «Dynama» zhulaje z «Łakamatyvam» u Jarasłaŭli ŭ ramkach čempijanatu KCHŁ.