Za abrazu daišnika ź viadomaha fota žycharu Žłobina dali try hady chatniaj chimii
9 vieraśnia sud Žłobinskaha rajona razhledzieŭ kryminalnuju spravu ŭ dačynieńni da Arcioma Baraški pa abrazie słužbovaj asoby (art. 369 KK RB). Paciarpieły — supracoŭnik DAI z Hancavičaŭ Ihar Volnič, paviedamlajuć pravaabaroncy.
Zhodna z materyjałami śledstva, Baraška ŭ «Adnakłaśnikach» z dapamohaj mabilnaha telefona źmiaściŭ pad fota kamientar abraźlivaha źmiestu. Na fotazdymku, jaki ŭ svoj čas narabiŭ šmat šumu ŭ internecie, milicyjant kalenam staić na šyi adnaho z pratestoŭcaŭ. Padziei adbylisia 12 lipienia 2020 hoda ŭ Hancavičach padčas adnoj z akcyj.
Baraška pryznaŭ vinu. U sudzie paviedamiŭ, što kamientaroŭ pad zdymkam było šmat, ale jon nie ličyŭ ich.
U vyniku sudździa Ihar Zmuško vynies prysud: try hady chatniaj chimii) i 1500 rubloŭ materyjalnaj kampiensacyi maralnaj škody.
Raniej za anałahičnuju abrazu žychar Žłobina Mikałaj Lohki byŭ pakarany dvuma hadami zvyčajnaj chimii.