U Maskvie nie chapaje 200 tysiač budaŭnikoŭ-mihrantaŭ
U meryi rasijskaj stalicy spadziajucca, što ŭ najbližejšy čas abmiežavańni na ich ujezd buduć miakčeć.
123RF/PICSEL
U Maskvie zachoŭvajecca prablema niedachopu budaŭnikoŭ-mihrantaŭ, siońnia ŭ horadzie nie chapaje kala 200 tys. zamiežnych rabočych. Pra heta ŭ intervju «Iźviestijam» zajaviŭ vice-mer stalicy Uładzimir Jafimaŭ.
«My spadziajomsia, što ŭ najbližejšy čas abmiežavańni na ich ujezd u krainu buduć miakčeć. Niedachop pracoŭnych resursaŭ pryvodzić da taho, što pracadaŭcy, u pieršuju čarhu heta zabudoŭščyki, pierakuplajuć supracoŭnikaŭ adzin u adnaho, praz heta raście košt ich pasłuh», — skazaŭ jon.
Dniami stała viadoma, što Polšča moža pryciahnuć da paŭmiljona rabotnikaŭ ź Biełarusi.
U pieršym paŭhodździ 2021 hoda ŭ rehistr Ofisa pa pracaŭładkavańni Polščy było ŭniesiena 998 tysiač zajaŭ ab pryjomie na pracu rabotnikaŭ z uschodu. Heta na 63% bolš, čym hod tamu, kali pačałasia pandemija, i na 18% bolš, čym u pieršaj pałovie 2019 hoda.
Rabočych z Ukrainy nie chapaje. Tamu alternatyva — heta rabočyja ź Biełarusi, jakich, pa acency śpiecyjalistaŭ kadravaj słužby, Polšča moža pryciahnuć kala paŭmiljona.