Microsoft admoviłasia ad parolaŭ dla akaŭntaŭ
Karparacyja Microsoft dazvoliła karystalnikam svaich sietkavych servisaŭ admovicca ad parolaŭ dla ŭlikovych zapisaŭ.
«Nichto nie lubić paroli. Jany niazručnyja. Jany — hałoŭnaja mišeń dla atak. Tym nie mienš, šmat hadoŭ jany byli samym važnym płastom biaśpieki dla ŭsiaho ŭ našym ličbavym žyćci», — skazana ŭ paviedamleńni na sajcie Microsoft.
Z 15 vieraśnia Microsoft dała karystalnikam mahčymaść adklučyć parol u svaim ulikovym zapisie.
Dla ŭvachodu ciapier možna vykarystoŭvać dadatki Microsoft Authenticator i Windows Hello, kluč biaśpieki abo kod paćvierdžańnia, jaki budzie adpraŭleny na telefon ci elektronnuju poštu.