Hurenka pakinuŭ salihorski «Šachcior». Jon nie prakiravaŭ im i dvuch miesiacaŭ
Hałoŭny trenier čempijona Biełarusi pa futbole salihorskaha «Šachciora» Siarhiej Hurenka pakinuŭ kłub. Pra heta paviedamlaje aficyjny sajt harniakoŭ.
Presboł
Zajaŭlajecca, što baki vyrašyli spynić supracoŭnictva pa dvuchbakovaj zhodzie. Da pryznačeńnia novaha hałoŭnaha treniera rychtavać kamandu budzie trenierski štab na čale z nastaŭnikam dubloraŭ Stanisłavam Suvoravym.
Hurenka byŭ pryznačany hałoŭnym trenieram 24 lipienia. Pad jaho kiravańniem kłub atrymaŭ try pieramohi, adnu ničyju i čatyry parazy, u tym liku vylecieŭ ź Lihi kanfierencyj.
U minułym tury «Šachcior» prajhraŭ BATE i sastupiŭ vierchni radok u tablicy čempijanatu Biełarusi, ale ŭ salihorcaŭ ažno try hulni ŭ zapasie.