Suśvietnuju fiederacyju chakieja moža ŭznačalić kandydat ad Biełarusi. Vybary — u subotu
25 vieraśnia ŭ Sankt-Pieciarburhu projdzie čarhovy kanhres Suśvietnaj fiederacyi chakieja (IIHF). Na im budzie abrany novy kiraŭnik. Rene Fazel, što kiravaŭ arhanizacyjaj z 1994 hoda, pakidaje pasadu.
FCHB
Za kresła staršyni pazmahajucca piać kandydataŭ, siarod jakich jość i pradstaŭnik Biełarusi — Siarhiej Hančaroŭ.
Siarhiej Hančaroŭ — namieśnik staršyni Fiederacyi chakieja Biełarusi. U našu krainu pryjechaŭ u 2007 hodzie na zaprašeńnie tahačasnaha staršyni FCHB, ministra ŭnutranych spraŭ Uładzimira Navumava.
Mienavita Hančaroŭ dabiŭsia, što čempijanat śvietu pa chakiei ŭ 2014 hodzie addali Biełarusi. Paspryjaŭ jon i pieramozie sumiesnaj zajaŭcy z Łatvijaj na ČS-2021. Voś tolki paźniej pieršynstvo ŭ Biełarusi z-za viadomych pryčyn zabrali.
Na minułym tydni Hančaroŭ, prezientujučy svaju prahramu, prapanavaŭ, naprykład, pavialičyć kolkaść udzielnikaŭ čempijanatu śvietu z 16 da 24 i źmianić farmat turniru. Naprykład, pravodzić jaho raz na dva hady, a nie štohod.