«My tut ułada»: Navalny prakamientavaŭ vybary ŭ Dumu
Lidar rasijskaj apazicyi Alaksiej Navalny ličyć, što biez uliku masavych falsifikacyj ułady pucinskaja partyja «Adzinaja Rasija» prajhrała vybary ŭ Dziarždumu z «razhromnym» vynikam.
Palityk paraŭnaŭ vybary z futbolnym matčam, u jakim, niahledziačy na toje, što ŭpeŭniena pieramahła kamanda apazicyi, tabło znachodzicca ŭ rukach prajhraŭšaj ułady, i jana «namalavała» svoj iłžyvy vynik.
«Technična my bačym vielizarny pośpiech «Razumnaha hałasavańnia». A ŭ Maskvie i Piciery dyk uvohule tryumf … Ale, pa-sumlennamu, ahulny vynik «pieramohaj» nie nazavieš. Naš vynik tupa skradzieny. Pieramalavali samym prymityŭnym čynam.
U vyniku razhromlenaja vybarščykami partyja pucinskich złodziejaŭ «Adzinaja Rasija» znoŭ atrymlivaje bolšaść u Dumie.
U nas z vami kłasičnaja situacyja matču i tabło z abjaŭleńniem vyniku.
Raniej my časam damahalisia ŭ matčach ničyich, zredku — pieramoh. A žuliki padkručvali vyniki na tabło, kab ich vyjhryš vyhladaŭ bolš pierakanaŭča.
A zaraz my abjadnalisia, sfakusavalisia i z dapamohaj «Razumnaha hałasavańnia» prosta raźnieśli sapiernikaŭ na matčy. Ale tabło ŭ ich. I jany znoŭ namalavali sabie pieramohu», — adznačajecca ŭ jaho sacsietkach.