U Rasii moža nastupić deficyt čypsaŭ
Rasijski vytvorca čypsaŭ Lay's razasłaŭ svaim kontrahientam list, u jakim papiaredziŭ pra mahčymyja pieraboi z pastaŭkami pradukcyi.
Jak paviedamlaje «Kommiersant», u liście havorycca, što vytvorcy bulby čakajuć źnižeńnia ŭradžajnaści na 15-20%, pry hetym kłubni vyraśli mienšaha pamieru, a daždžy pieraškadžajuć ich prybirać. Pieraboi z pastaŭkami čypsaŭ u suviazi z hetym mahčymyja ŭ vieraśni-kastryčniku.
Pradstaŭniki rytejłu nie čakajuć surjoznych prablem, bo farmirujuć zapasy pradukcyi. Pa acency roźničnych sietak, prablemy mohuć zakranuć 5-10% pastavak.
Što tyčycca Biełarusi, to raniej u Rasii ŭžo adznačali surjozny rost pastavak bulby ź Biełarusi. U toj ža čas, inšyja krynicy paviedamlajuć, što sioleta Biełaruś upieršyniu impartavała bulbu padčas uborki, bolš za ŭsio — z Ukrainy.
Minsielhascharč nie publikuje statystyki pa ŭborcy bulby.