Makiej sustreŭsia ź ministram zamiežnych spraŭ Finlandyi
U pieršy dzień pieramoŭ u Ńju-Jorku ministr zamiežnych spraŭ Biełarusi Uładzimir Makiej, što biare ŭdzieł u Hienasamblei AAN, sustreŭsia ź ministrami zamiežnych spraŭ Irana, Nikarahua, Turcyi, Sierbii i Finlandyi, paviedamlaje pres-słužba MZS
Padčas sustrečy ź ministram zamiežnych spraŭ Turcyi Mieŭlutam Čavušahłu baki kanstatavali pazityŭnuju dynamiku dvuchbakovaha supracoŭnictva, abmierkavali padrychtoŭku čarhovaha pasiadžeńnia biełaruska-tureckaj sumiesnaj mižuradavaj ekanamičnaj kamisii, abmianialisia mierkavańniami pa aktualnych pytańniach mižnarodnaha paradku dnia, uklučajučy tematyku procidziejańnia nielehalnaj mihracyi.
Uładzimir Makiej padziakavaŭ kalehu za «pryncypovuju pazicyju i siabroŭskaje sadziejničańnie tureckaha boku na fonie antybiełaruskaj rytoryki i dziejańniaŭ z boku šerahu dziaržaŭ».
Mieŭlut Čavušahłu, u svaju čarhu, paćvierdziŭ vysokuju zacikaŭlenaść Turcyi ŭ raźvićci ŭsiebakovych adnosin ź Biełaruśsiu, realizacyi bujnych ekanamičnych prajektaŭ u našaj krainie. Jon taksama vykazaŭ padziaku biełaruskamu boku za akazańnie važkaj dapamohi pry likvidacyi lasnych pažaraŭ na paŭdniovym uźbiarežžy Turcyi.
Paviedamlajecca, što šerah pytańniaŭ u śfiery ŭzajemnaj cikavaści byŭ abmierkavany ź ministram zamiežnych spraŭ Finlandyi Piekaj Chaavista.