«My tut budziem trymacca kolki treba — taki Šlach». Zapracavaŭ anłajn-muziej ź listami biełaruskich palitviaźniaŭ
Ciapier usie listy ad biełaruskich palitviaźniaŭ zmohuć zachoŭvacca ŭ adnym miescy — dla hetaha stvaryli adkryty anłajn-muziej pad nazvaj «Laciać listy».
Muziej byŭ zapuščany vysiłkami roznych biełarusaŭ śvietu, jakija zachacieli sabrać i zachavać listy ad palitviaźniaŭ jak histaryčnuju kaštoŭnaść.
Pieradać list muzieju moža luby žadajučy, papiarednie dasłaŭšy jaho na poštu prajekta ŭ vyhladzie fotazdymka ci skana. Užo ciapier na sajt zahružanyja niekalki dziasiatkaŭ listoŭ, što prychodzili suajčyńnikam ad Paŭła Sieviarynca, Ściapana Łatypava, Viktara Babaryki i inšych.
Ëść tam listy i aŭtarstva byłych palitviaźniaŭ — naprykład, žurnalistki Kaciaryny Barysievič, jakaja ŭžo adbyła svoj termin.
Cytata ź lista Eduarda Palčysa, pieradadzienaha muzieju. Skryn z sajta letters-museum.com