Łukašenka: Minsk — heta rassadnik fejkaŭ
Łukašenka na pasiadžeńni z členami ŭrada papiaredziŭ, što ŭsie rašeńni, u pryvatnaści pa COVID-19, jak i ŭ sielskaj haspadarcy, im byli pryniatyja. I treba vykonvać, piša BiełTA.
«Heta treba niaŭchilna vykonvać. Prosta papiaredžvaju.
Kali jašče atrymajecca tak, jak u Babrujsku abo Minsku (nie paśpieli, bačycie, admianić raniej pryniatyja, Natalla Ivanaŭna [Kačanava], rašeńni ŭ harvykankamie). I pakinuli duraść, jakuju naohuł strašna čytać», — adznačyŭ jon.
Jon rastłumačyŭ, čamu ŭ takim vypadku časta zhadvaje ŭ hetym płanie Natallu Kačanavu: «Bo Minsk — heta rassadnik hetych fejkaŭ i inšaha. Ja nie chacieŭ by z vami, jak čałaviekam adkaznym, na hetu temu bolš razmaŭlać. Jak i z usimi inšymi. Rašeńni buduć imhniennymi i kardynalnymi. Nie vas tolki datyčycca. Moža, Nazarava (vice-premjer, upaŭnavažany ŭ Homielskaj vobłaści Juryj Nazaraŭ) heta pa Homieli bolš datyčycca, čym vas. Ale ja prosta biaru dla prykładu».
Alaksandr Łukašenka źviarnuŭ uvahu na fakty złačynnaj dziejnaści ŭ Homielskaj vobłaści.
«Pahladzicie, što ŭ Homieli ŭ Nazarava robicca. Heta ž katastrofa. Tam pa načach užo karoŭ režuć i spłaŭlajuć u Rasiju.
I heta ž nie pieršy miesiac. I cišynia. Treba było ŭmiašańnie prezidenta, treba było pasyłać tudy Kubrakova, kab jon niekaha tam prydušyŭ. Nu dyk čakajcie, jon tam užo», — skazaŭ jon.
«Nu a tabie, kali ty ŭpaŭnavažany prezidentam, treba było jak čałavieku sielskamu, lasnomu, zaniacca hetymi ściežkami, pa jakich jany miasa vyvoziać u Rasiju (praz žulikaŭ, i słužbovyja asoby hetym paviazany) i tam pradajuć», — źviarnuŭsia Alaksandr Łukašenka da vice-premjera.
«Jašče raz papiaredžvaju: damovilisia, pryniata rašeńnie — vykonvajcie. Heta siońnia hałoŭnaje. Heta pytańnie našaj vyžyvalnaści. Inakš nas prosta jak u žornach pieratruć. Kali nie źjaduć, to vyplunuć», — zapatrabavaŭ jon.