Palitviaźnia-žurnalista Dzianisa Ivašyna nie vypuścili z karcara. Jamu dadali jašče 7 sutak
Žonka palitźniavolenaha žurnalista Volha paviedamlaje, što ŭ niadzielu paśla 6-sutačnaha pakarańnia Dzianisa Ivašyna nie vypuścili z karcara.
Zamiest hetaha palitviaźnia buduć tam utrymlivać jašče 7 sutak. Volha piša, što Dzianisu ŭ karcary nie addajuć vydańni, na jakija jon padpisany, a taksama nie pieradajuć listy, jak paviedamlajuć pravaabaroncy.
Padtrymajcie Dzianisa: Turma №1. 230023, h. Hrodna, vuł. Kirova, 1.
Dzianis Ivašyn byŭ zatrymany 12 sakavika. Jaho vinavaciać pa artykule 365 Kryminalnaha kodeksa (Umiašańnie ŭ dziejnaść supracoŭnika ŭnutranych spraŭ). Niadaŭna stała viadoma, što Dzianisu vystavili jašče adno abvinavačańnie, ale dakładna jakoje — rodnyja nie viedajuć.