Ministerstva achovy zdaroŭja paviedamlaje ab viartańni pieraprafilavanych balnic u zvyčajny režym
Kliniki Biełarusi, pieraprafilavanyja pad COVID-19, viartajucca da akazańnia płanavaj dapamohi. Pra heta zajaviŭ načalnik Hałoŭnaha ŭpraŭleńnia arhanizacyi miedycynskaj dapamohi Ministerstva achovy zdaroŭja Alaksiej Ščarbinski.
Pavodle słoŭ śpiecyjalista, płany zvarotnaha pieraprafilavańnia miedustanoŭ z «čyrvonaj» zony byli sfarmavanyja jašče ŭ pačatku pandemii COVID-19. Na siońnia hetyja płany pačali realizoŭvacca.
— Hetyja źmieny adbyvajucca z ulikam biahučaj epidemijałahičnaj situacyi. My analizujem kolkaść novych vypadkaŭ štodnia, štotydniovuju statystyku, i na padstavie hetaha prymajecca rašeńnie, — skazaŭ Ščarbinski.
Jon taksama adznačyŭ, što ŭ krainie nazirajecca źnižeńnie kolkaści novych vypadkaŭ zaražeńnia. Pamianšajecca i kolkaść tych, chto maje patrebu ŭ špitalizacyi. Ščarbinski ŭdakładniŭ, što ŭ cełym u Biełarusi za apošnija 7-9 dzion kolkaść špitalizavanych pacyjentaŭ źniziłasia na 2-10%.