U Pfizer zajavili, što ich novaja tabletka na 89% źnižaje ryzyku špitalizacyi i śmierci praz kavid
Pfizer abviaściła ab zaviaršeńni druhoj fazy vyprabavańniaŭ lekaŭ ad karanavirusa. Jaho efiektyŭnaść ad ciažkaha praciakańnia chvaroby i śmierci skłała 89%.
Leki pad nazvaj Paxlovid vypuskajucca ŭ kapsułach.
U daśledavańniach ŭziali ŭdzieł 1,2 tysiačy chvorych na karonu z hrup ryzyki. Tolki 0,8% z tych, chto prymaŭ leki na praciahu pieršych troch dzion paśla atrymańnia simptomaŭ, apynulisia ŭ balnicy. U hrupie płaceba hety pakazčyk skłaŭ 7%.
U chodzie vyprabavańniaŭ ni adzin čałaviek, jaki atrymaŭ preparat nie pamior, u toj čas jak u hrupie płaceba chvaroba 1,6% čałaviek skončyłasia śmierciu.
U Pfizer zajavili, što prypyniajuć vyprabavańni i pačynajuć rychtavać dakumienty dla pieradačy va ŭpraŭleńnie pa kantroli za praduktami i lekami ZŠA (FDA).
4 listapada Vialikabrytanija pieršaj u śviecie ŭchvaliła prymianieńnie suprać karony preparata małnupiravir vytvorčaści kampanii Merck.