Bahaćcie Maska źniziłasia za dva dni na $50 miljardaŭ
Košt aktyvaŭ Iłana Maska za dva dni źniziŭsia na $50 młrd z-za padzieńnia akcyj kampanii Tesla, što adbyvajecca druhi dzień zapar.
Getty Images
Heta samaje vialikaje dvuchdzionnaje padzieńnie ŭ historyi indeksa Bloomberg Billionaires Index i samaje vialikaje adnadzionnaje padzieńnie, nie ličačy źnižeńnia na $36 młrd aktyvaŭ zasnavalnika Amazon Džefa Biezasa paśla jaho razvodu ŭ 2019 hodzie, piša RBK.
Usio pačałosia z taho, što ŭ vychodnyja Mask spytaŭ u svaich padpisčykaŭ u Twitter, ci varta jamu pradać 10% svajoj doli ŭ kampanii.
Zatym źjavilisia naviny pra toje, što jaho brat Kimbał pradaŭ akcyi prosta pierad apytańniem. U daviaršeńnie ŭsiaho ŭ aŭtorak ranicaj vydańnie Insider paviedamiła, što inviestar Majkł Bery zajaviŭ, što Mask, mahčyma, choča pradać akcyi, kab pakryć svaje ŭłasnyja daŭhi.