ES zaklikaŭ nie ŭsprymać surjozna pahrozy Łukašenki ab spynieńni tranzitu hazu
ES prapanuje nie ŭsprymać surjozna pahrozu Łukašenki ab adklučeńni Jeŭropy ad rasijskaha hazu, jaki idzie praź Biełaruś, u vypadku ŭviadzieńnia novych sankcyj suprać Minska. Pra heta zajaviŭ u piatnicu na bryfinhu ŭ Brusieli pradstaŭnik źniešniepalityčnaj słužby ES Pieter Stana, paviedamlaje TASS.
«Nie varta ŭsprymać surjozna zajavy Łukašenki i śpiekulavać, što moža ci nie moža adbycca, pakolki heta tolki ŭzmacniaje jaho prapahandu», — zajaviŭ Stana, adkazvajučy na pytańnie pra ryzyki pierabojaŭ z pastaŭkami hazu ŭ krainach ES, kali Minsk realizuje svaju pahrozu.
«Kali jon adklučyć haz, heta paškodzić narodu Biełarusi, heta paškodzić imidžu Biełarusi, i heta paškodzić pastaŭščyku hazu [Rasii], što jon naŭrad ci choča zrabić», — adznačyŭ Stana.
U čaćvier Łukašenka zajaviŭ na naradzie z uradam krainy, što ŭ vypadku pašyreńnia sankcyj ES jon moža pierakryć tranzit hazu ŭ Jeŭropu, jaki idzie pa transnacyjanalnym hazapravodzie Jamał — Jeŭropa.