Sankcyi ES suprać Biełarusi buduć uklučać razryŭ lizinhavych kantraktaŭ z «Biełavija»
Kantrakty JeC na lizinh samalotaŭ z «Biełavija» buduć skasavanyja, jak tolki JeC skončyć novy raŭnd sankcyj suprać Biełarusi, zajaviŭ u paniadziełak ministr zamiežnych spraŭ Irłandyi, piša Reuters.
«Kantrakty, pa jakich jany zdajucca ŭ arendu «Biełavija», buduć istotna zrezanyja», — zajaviŭ Sajman Koŭvieni žurnalistam paśla sustrečy ministraŭ zamiežnych spraŭ ES. «Albo hetyja samaloty pryjdziecca viarnuć, albo, ja miarkuju, buduć pryniatyja jurydyčnyja miery».
Koŭvieni skazaŭ, što z 30 samalotaŭ u parku «Biełavija» 17 arandavanyja praz avijacyjnyja kampanii ŭ Irłandyi.