Časopis satyry i humaru «Vožyk» spyniaje svoj vychad
Dziaržaŭny časopis satyry i humaru «Vožyk» z nastupnaha 2022 hoda vydavacca nie budzie. Pra heta paviedamili «Radyjo Racyi» ŭ redakcyi časopisa. Vyjdzie apošni numar «Vožyka» ŭ śniežni i ŭsio. Časopis navat nie ŭniesieny ŭ padpisny katałoh na nastupny hod.
Sioleta časopis «Vožyk» adznačyŭ 80-hodździe. Jon źjaŭlaŭsia pierajemnikam znakamitaha bajavoha vydańnia «Razdavim fašysckuju hadzinu». Pieršyja 13 numaroŭ haziety-płakata źjavilisia napačatku lipienia 1941 hoda ŭ Homieli, bo Minsk užo byŭ akupavany hitleraŭcami. Sa žniŭnia 1945 hoda časopis «Vožyk» vydavaŭsia pa-biełarusku ŭ Minsku.
Časopis «Vožyk» — heta naša historyja litaratury i mastactva. U im drukavalisia amal usie piśmieńniki, pačynajučy ad Janki Kupały i Jakuba Kołasa. Pry «Vožyku» vydavalisia biblijatečka, kalektyŭnyja zborniki satyry i humaru, pierakłady. Ź im supracoŭničali mastaki Anatol Vołkaŭ, Siarhiej Ramanaŭ, Mikałaj Hurło, Valancin Cichanovič, Ryhor Hramyka i dziasiatki inšych słavutych biełaruskich mastakoŭ.