Padčas pažaru na šachcie ŭ Kuzbasie zahinuli dzieviać čałaviek, pad ziamloj zastajucca 49, suviazi niama
Zadymleńnie na šachcie «Listviažnaja» ŭ Kiemieraŭskaj vobłvści (Rasija) adbyłosia ŭ 08:51 pa miascovym časie na hłybini 250 mietraŭ.
Administracyja Kuzbasa
«U šachcie znachodzilisia 285 hornarabočych. Na pavierchniu vyvieli 237 čałaviek. U šachcie zastajucca 49 čałaviek, na 15:05 (pa miascovym časie) dzieviać ź ich zahinułymi» — havorycca ŭ paviedamleńni.
Sa słoŭ hubiernatara Kiemieraŭskaj vobłaści Siarhieja Cyvilova, tyja, chto zastaŭsia ŭ šachcie, jak miarkujecca, znachodziacca ŭ dvuch dalokich štrekach, suviazi ź imi pakul niama, piša RBK.
Cyviloŭ dadaŭ, što 43 paciarpiełyja ŭ vyniku zdareńnia byli špitalizavanyja ŭ Centr achovy zdaroŭja šachcioraŭ. Čaćviora ź ich znachodziacca ŭ ciažkim stanie