Prajekt abnoŭlenaj Kanstytucyi ŭ pieršaj pałovie śniežnia pradstaviać na hramadskaje abmierkavańnie
Prajekt abnoŭlenaj Kanstytucyi ŭ pieršaj pałovie śniežnia pradstaviać na hramadskaje abmierkavańnie, zajaviŭ u efiry BT kiraŭnik łukašenkaŭskaj administracyi Ihar Sierhiejenka.
«Ja dumaju, što ŭ pieršaj pałovie śniežnia my zmožam aznajomicca, kali pryjdziem da kančatkovaha rašeńnia litaralna pa niekalkich pazicyjach, jakija prahučali na naradzie ŭ kiraŭnika dziaržavy. I ja ŭpeŭnieny, što dalejšaja praca nad Kanstytucyjaj budzie praciahnutaja ŭžo na placoŭkach padčas usienarodnaha abmierkavańnia», — skazaŭ Ihar Sierhiejenka.
Jon zaklikaŭ biełarusaŭ uziać aktyŭny ŭdzieł u abmierkavańni prajekta Kanstytucyi.