Polšča ŭvodzić bolš žorstkija praviły ŭjezdu dla biełarusaŭ u suviazi z amikronam
Ministr achovy zdaroŭja Polščy Adam Niadzielski zajaviŭ, što pačynajučy z 1 śniežnia ŭ krainie buduć uviedzienyja bolš žorstkija praviły ŭjezdu na jaje terytoryju ŭ suviazi sa źjaŭleńniem novaha štama kavidu.
Polšča spynić paloty ŭ siem krain Paŭdniovaj Afryki: Batsvanu, Esvacini, PAR, Mazambik, Lesota, Namibiju i Zimbabve. Ludzi, jakija prybuduć z hetych krain, niezaležna ad maršrutu, buduć adpraŭlacca na 14-dzionny karancin biez mahčymaści pierapynić jaho daterminova.
Urad pavialičyć da 14 dzion karancin dla ludziej, jakija zajazdžajuć u Polšču z-za miežaŭ Šenhienskaj zony. Ciapier karancin dla hetaj katehoryi padarožnikaŭ składaje 10 dzion. Patrabavańni ab karancinie pa-raniejšamu nie buduć tyčycca pryščeplenych vakcynami, pryznanymi ŭ ES.
Bolš žorstkimi stali abmiežavańni ŭnutry krainy. Uzrovień zapaŭnialnaści publičnych abjektaŭ — kram, hatelaŭ, basiejnaŭ, kinateatraŭ, teatraŭ, kancertnych załaŭ — źnižajecca z 75% da 50%.
Hetyja praviły i abmiežavańni buduć dziejničać da 17 śniežnia.