Samy humanny sud u śviecie: minčuk udaryŭ kułakom u skivicu kantralora i atrymaŭ 2900 rubloŭ štrafu
33-hadovy minčuk jechaŭ u transparcie biez kvitka. Na adnym z prypynkaŭ u sałon uvajšli kantralory, jakija zapatrabavali ad mužčyny vyjści. U adkaz toj pačaŭ łajacca, niekalki razoŭ šturchnuŭ kantralorku i ŭdaryŭ kułakom u skivicu.
Była zaviedzienaja kryminalnaja sprava za hvałt u dačynieńni da asoby, što vykonvaje słužbovyja abaviazki. Sud pryznaŭ minčuka vinavatym i prysudziŭ jamu štraf u pamiery 100 bazavych vieličyń (2900 rubloŭ), jašče 700 rubloŭ mužčyna spłacić u ramkach maralnaj kampiensacyi.
Dla paraŭnańnia: palitviaźnia Siarhieja Vieraščahina za ŭdar nahoj milicyjaniera pry zatrymańni asudzili na 5 hadoŭ kałonii. A barda Anatola Kudłasieviča aštrafavali na 100 bazavych vieličyń za ściah na bałkonie.