Dziarždep paviedamiŭ ab padrychtoŭcy novaha pakieta sankcyj ZŠA suprać Biełarusi
ZŠA ŭ supracoŭnictvie ź ES rychtujuć dadatkovy pakiet sankcyj u dačynieńni da Biełarusi z-za mihracyjnaha kryzisu na polska-biełaruskaj miažy. Pra heta zajaviŭ amierykanski dziaržsakratar Entani Blinkien padčas bryfinhu ŭ Ryzie.
«My zaklikajem režym nieadkładna pierastać vykarystoŭvać mihrantaŭ jak palityčnuju zbroju», — zajaviŭ Blinkien.
Jon adznačyŭ, što sankcyi rychtujucca ŭ «ciesnaj kaardynacyi» ź Jeŭrasajuzam i inšymi partniorami i sajuźnikami. ZŠA ŭskładajuć na aficyjny Minsk adkaznaść za «hrebavańnie» pravami čałavieka i demakratyjaj.