Palitviazień Michaił Čamuraka źbieh z «chimii», bo ŭ Biełarusi na jaho zaviali novuju kryminalnuju spravu
Pravaabaroncam stała viadoma, što 26 listapada palitźniavoleny Michaił Čamuraka, jaki adbyvaŭ pakarańnie ŭ vaŭkavyskaj papraŭčaj ustanovie, zdoleŭ uciačy ź Biełarusi.
Niezadoŭha da hetaha Michaił daviedaŭsia, što na jaho zaviali novuju kryminalnuju spravu pavodle art. 130 Kryminalnaha kodeksa (raspalvańnie varožaści). Ciapier Čamuraka znachodzicca za miažoj i ŭ biaśpiecy. Taksama viadoma, što Michaiła šukała haradzienskaja milicyja.
Michaił Čamuraka — aktyvist z Dubroŭna, asudžany na try hady «chimii» pa kryminalnaj spravie ab paklopie (art. 188 Kryminalnaha kodeksa). Z 10 kastryčnika pačaŭ adbyvać pakarańnie ŭ papraŭčaj ustanovie adkrytaha typu №29.