«Zabarona ŭvozu šerahu tavaraŭ»: aficyjny Minsk anansavaŭ adkaz na zachodnija sankcyi
«U jakaści mier u adkaz na niezakonny źniešni sankcyjny cisk, nakiravany na padryŭ suvierenitetu Biełarusi i paharšeńnie dabrabytu biełaruskich hramadzian, u metach abarony nacyjanalnych intaresaŭ urad pryniaŭ rašeńnie ab uviadzieńni zabarony ŭvozu na terytoryju krainy šerahu tavaraŭ, jakija pachodziać ź dziaržaŭ, što prymianiajuć niezakonnyja antybiełaruskija sankcyi» — havorycca ŭ zajavie MZS.
Zaznačajecca, što adpaviednaja pastanova budzie padpisanaja ŭ samyja karotkija terminy.
MZS paviedamlaje, što buduć pryniatyja nieabchodnyja miery dla nasyčeńnia ŭnutranaha rynku anałahičnymi tavarami z družalubnych krain.
«U adkaz na nielehitymnyja restrykcyi ŭ dačynieńni da biełaruskaj avijacyjnaj haliny, u asnovie jakich lažyć niesumlennaja kankurencyja, anałahičnyja kroki buduć pryniatyja ŭ dačynieńni da avijapieravozčykaŭ z krain ES i Vialikabrytanii».
Taksama paviedamlajecca, što budzie pašyrany śpis asob, čyj ujezd ŭ Biełaruś niepažadany, a taksama ŭ jakaści adnoj z samych istotnych mier procidziejańnia źniešniamu cisku kalektyŭnaha Zachadu i «ŭmacavańnia svajoj ekanamičnaj biaśpieki Respublika Biełaruś praciahnie realizacyju sajuznych prahram i ŭmacavańnie ekanamičnaj intehracyi z Rasijskaj Fiederacyjaj, a taksama vybudoŭvańnie tryvałych handlova-ekanamičnych suviaziaŭ z partniorami pa JEAES i z krainami «dalokaj duhi»».
Dadajecca, što budzie realizavany šerah inšych krokaŭ niepubličnaha charaktaru.