Biełaruś va ŭmovach sankcyj płanuje zamiaścić impart na $9 młrd
Biełaruś va ŭmovach zachodnich sankcyj płanuje realizavać prajekty ŭ śfiery impartazamiaščeńnia na $9 miljardaŭ. Pra heta paviedamiŭ žurnalistam u aŭtorak ministr ekanomiki krainy Alaksandr Čarviakoŭ, piša TASS.
«Na siońniašni dzień užo prapanavana kala 170 impartazamiaščalnych prajektaŭ na ahulnuju sumu kala 13 młrd rubloŭ (kala $5,1 młrd) inviestycyj. Z hetaha puła prajektaŭ my vybrali najbolš značnych 47 [prajektaŭ] z abjomam inviestycyj kala 8 młrd rubloŭ (kala $ 3,1). Hetyja 47 prajektaŭ dazvolać nam stvaryć pradukcyi bolš čym na $9 młrd impartazamiaščeńnia», — adznačyŭ kiraŭnik Minekanomiki.
Pavodle jaho słoŭ, kraina ŭ 2021 hodzie sutyknułasia «ź biesprecedentnymi vyklikami» — heta pandemija i sankcyi, jakija abvieščanyja ŭ dačynieńni da Biełarusi.
«U hetych umovach, kali nam zabaraniajuć svabodna handlavać na rynkach, prymusova razryvajuć suviazi, my pavinny šukać tyja miery, jakija dazvalajuć nivielavać vydatki», — skazaŭ Čarviakoŭ.
Asablivuju značnaść, pa jaho słovach, nabyvaje ŭ hetych abstavinach «impartazamiaščeńnie jak instrumient procidziejańnia sankcyjam».