U Navapołacku mužčyna pabiŭ svajho sabaku. Zatym jon zajšoŭ u padjezd, pakinuŭšy žyviołu na vulicy
Uviečary 3 śniežnia 28-hadovy žychar Navapołacka kala doma pa vulicy Kamsamolskaj pabiŭ ułasnuju aŭčarku. Na jaho skłali pratakoł ab žorstkim abychodžańni z žyviołaj (častka 1 artykuła 16.29 KaAP), paviedamlaje milicyja.
Na videazapisie mužčyna nie mienš za try razy bje sabaku nahami i adzin raz rukoj; potym jon zachodzić u padjezd, pakidajučy aŭčarku na vulicy.
Pa artykule ab žorstkim abychodžańni z žyviołami navapałačaninu pahražaje štraf da 15 bazavych vieličyń.