Tarnada ŭ ZŠA zabiŭ bolš za 100 čałaviek

Sama mieniej 100 čałaviek zahinuli ŭ amierykanskim štacie Kientuki ŭ vyniku tarnada. Mahutnyja śmierčy razburyli śviečačny zavod, pažarnyja i palicejskija ŭčastki, dom sastarełych u susiednim štacie Misury i zabili sama mieniej šeść rabočych na składzie Amazon u Ilinojsie, piša Reuters.

Hubiernatar Kientuki zajaviŭ, što sieryja tarnada była samaj razburalnaj u historyi štata. Kala 40 rabočych byli vyratavany na śviečačnaj fabrycy ŭ horadzie Mejfiłd, dzie znachodziłasia ŭ momant śmierču kala 110 čałaviek. Fabryka pieratvaryłasia ŭ hrudu abłomkaŭ.

Miarkujučy pa videa i fatahrafijach u sacyjalnych sietkach, cahlanyja budynki ŭ centry Mejfiłda razburanyja, a pryparkavanyja aŭtamabili amal pachavanyja pad abłomkami.

Hetaja pryrodnaja katastrofa była adnoj z samych bujnych u historyi ZŠA. Takoj siły tarnada zdarajucca redka i zvyčajna ŭ ciaplejšyja siezony.

Kamientary da artykuła