U byłoha pamiežnika zabrali miedal, ad jakoha jon publična admoviŭsia z-za hvałtu siłavikoŭ. Sam Alaksandr Vielaśnicki znachodzicca ŭ SIZA
U palitźniavolenaha aficera, jaki letaś asudziŭ milicejski hvałt, zabrali miedal za biezdakornuju słužbu, paviedamlaje Media-Polesye.
Alaksandr Vielaśnicki ź siamjoj. Fota: siamiejny archiŭ
Były aficer-pamiežnik, a ciapier palitviazień Alaksandr Vielaśnicki admoviŭsia ad miedala 3 stupieni za biezdakornuju słužbu ŭ žniŭni 2020 hoda, asudziŭšy takim čynam hvałt u dačynieńni da mirnych ludziej. 29 vieraśnia jon byŭ zatrymany za kamientaryj pa «spravie Zelcera».
14 śniežnia ŭ dom da Vielaśnickich pryjšli siłaviki, dali aznajomicca žoncy Alaksandra z pastanovaj i skazali vydać miedal muža z paśviedčańniem na ŭznaharodu.
— Paśla zvalnieńnia z pahransłužby mužu pakinuli prava nasić paradnuju formu z usimi sumlenna zasłužanymi ŭznaharodami. Ale, miarkujučy pa apošnich dziejańniach, ja nie vyklučaju, što jaho mohuć pazbavić zvańnia aficera, — raspaviała Aksana Vielaśnickaja.
U traŭni 2020 hoda Łukašenka ŭžo pazbaviŭ zvańniaŭ bolš za 80 byłych vajskoŭcaŭ i siłavikoŭ.
Ułady Biełarusi adnieśli da «dyskredytujučych» učynkaŭ eks-siłavikoŭ udzieł u pratestach i asudžeńnie imi hvałtu z boku byłych kaleh.