Hienprakuratura naźbirała piać tamoŭ dokazaŭ złačynstvaŭ Polščy suprać mihrantaŭ. Materyjały źbirajucca adpravić u Jeŭropu
Pra heta zajaviŭ aficyjny pradstaŭnik viedamstva Dźmitryj Bryloŭ u efiry ANT.
«Hienieralnaja prakuratura nakiravała ŭ Saviet ministraŭ i Pałatu pradstaŭnikoŭ kopii materyjałaŭ kryminalnaj spravy ŭ piaci tamach na ruskaj i anhlijskaj movach z prośbaj arhanizavać ich pieradaču mižnarodnym i jeŭrapiejskim strukturam, u tym liku Jeŭraparłamientu, dla dačy pravavoj acenki tym padziejam, jakija ŭ ich vykładzienyja».
U efiry telekanała nazvali słužbovych asob, datyčnych da kryminalnaj spravy. Siarod ich prezident Polščy Andžej Duda, premjer Maraviecki, a taksama hienierały i aficery.