Makiej: Biełaruś značna skaračaje dypłamatyčnuju prysutnaść u ES
MZS razhledzić adkryćcio novych pasolstvaŭ u płaciežazdolnych krainach Afryki, dzie zapatrabavanaja biełaruskaja pradukcyja.
Pra heta ministr zamiežnych spraŭ zajaviŭ pa vyniku narady ŭ Łukašenki.
«My značna skaračajem dypłamatyčnuju prysutnaść u jeŭrapiejskich krainach. Nie maju na ŭvazie, što my skaračajem pasolstvy, zamiežnyja ŭstanovy. My skaračajem kolkaść dypłamatyčnaha piersanału», — pryvodzić jaho słovy BiełTA.
Pavodle Makieja, dypłamatyčny piersanał pierakinuć na inšyja napramki, pierš za ŭsio ŭ krainy SND. Ministr taksama dadaŭ, što Biełaruś umacuje šerah pasolstvaŭ u krainach dalokaj duhi: u Kitai, Indyi.
MZS razhledzić adkryćcio novych pasolstvaŭ u płaciežazdolnych krainach Afryki, dzie zapatrabavanaja biełaruskaja pradukcyja.