Žychara Homiela asudzili na 24 hady za zabojstva dvuch čałaviek. Jany admovilisia dać zakuryć
U Homieli abviaścili prysud 40-hadovamu miascovamu žycharu, jaki abvinavačvaŭsia ŭ padvojnym zabojstvie, paviedamlaje pres-słužba Viarchoŭnaha suda.
Zabojstva zdaryłasia ŭ noč na 14 lipienia 2020 hoda. Dvoje mužčyn siadzieli ŭ altancy ŭ dvary doma na vulicy Dvornikava i hučna słuchali muzyku. Da ich padyšoŭ treci i spačatku nanios adnamu niekalki ŭdaraŭ nažom u serca, zatym napaŭ na druhoha. U vyniku abodva mužčyny zahinuli.
U sudzie abvinavačany raspavioŭ, što byŭ u haściach u siabra. Vyjšaŭ u dvor pakuryć, zaŭvažyŭ dvuch čałaviek i padyšoŭ paprasić cyharetu. Uźnikła svarka, mužčyna dastaŭ nož.
Sud pryhavaryŭ jaho da 24 hadoŭ kałonii ŭzmocnienaha režymu. Jaho taksama abaviazali vypłacić svajačcy adnaho z zahinułych 50 tysiač rubloŭ kampiensacyi.