Daišniki złavili niećviarozaha kiroŭcu ŭ cišotcy z frazaj Łukašenki
Siońnia nočču ŭ Minsku złavili 46-hadovaha kiroŭcu mašyny karšerynhu, jaki pry praviercy akazaŭsia niećviarozym. I ŭ łukašenkaŭskim mierčy.
DAI apublikavała videa z mužčynam. Jon byŭ u cišotcy z frazaj Łukašenki, jakija niadaŭna pačali pradavacca ŭ Minsku.
Darečy, paźniej dopis pra minčuka z Telehrama minskaj DAI byŭ vydaleny.
«Naša Niva» vyśvietliła, što mužčyna na kadrach vielmi padobny da Hienadzia Kazačenki — kantrabasista Vialikaha teatra Biełarusi i kvinteta «Sierenada».
My źviarnułasia pa kamientaryj da kaleh Hienadzia pa «Sierenadzie», ale tam skazali, što pra zatrymańnie nie viedajuć.
Niadaŭna Kazačenka ŭ siabie ŭ Instahramie vykłaŭ cełuju fotahalereju z kramy, u jakoj pradajecca vopratka z cytatami Łukašenki.