Ministr ŽKH: Nasielnictva apłačvaje kala 83% sabiekoštu kamunałki
Nasielnictva apłačvaje kala 83% sabiekoštu kamunalnych pasłuh. Pra heta skazaŭ ministr žyllova-kamunalnaj haspadarki Andrej Chmiel u efiry ANT.
Adkazvajučy na pytańnie, nakolki siońnia biełarusy pakryvajuć vydatki na kamunałku, ministr skazaŭ: «Pry hetych cenach da kanca hoda my prahnazujem ubačyć ličbu kala 83%. Heta značyć na siońniašni dzień spažyŭcy žyllova-kamunalnych pasłuh apłačvajuć usie pasłuhi praktyčna pa sabiekošcie, za vyklučeńniem dvuch: aciapleńnie i padahreŭ vady. Tut 20% sabiekoštu apłačvaje nasielnictva, 80% pakryvaje dziaržava».
Pry hetym jon źviarnuŭ uvahu, što niekatoryja katehoryi hramadzian płaciać za hetyja pasłuhi ŭ poŭnym abjomie: heta nie zaniatyja ŭ ekanomicy i ŭładalniki kvater, dzie nichto nie prapisany.